Një tërmet me magnitudë 7.1 shkundi Perunë. Për pasojë kanë mbetur të vdekur dy persona dhe janë plagosur 65 të tjerë. Lajmi për të lënduarit është konfirmuar nga një guvernator rajonal, shkruan CNN.
Njëri prej viktimave ishte një burrë 55 vjeç i cili mbeti nën gurët e një shkëmbi në Yauca, lajmin e konfirmoi në rrjetin social twitter guvernator i rajonit të Arequipa në Peru jugore,Yamila Osorio. Viktima tjetër vdiq në të njëjtin rajon, lajmin e konfirmoi Hernando Tavera, president i Institutit Gjeofizik të Perusë, për televizionin publik peruan, pa dhënë hollësi të mëtejshme, transmeton Tirana Today.
Të paktën 65 vetë janë plagosur në qytetet Arequipa, Ica dhe Ayacucho, gjithashtu në Peru jugore, sipas raportit të Institutit Kombëtar i Mbrojtjes Civile.
Epiqendra e tërmetit ishte afër bregut të Perusë, rreth 40 kilometra në jug-jugperëndim të Acarit, të dhënat janë sipas Serverit Gjeologjik të SHBA-ve. Lajmi i mirë është se tërmeti nuk prodhoi kërcënime për tsunami, tha USGS. TIRANA TODAY
