Tërmeti që tronditi mbrëmë Jugun e vendit, është pasuar nga dy lëkundje të tjera. E para ka qenë në orën 20:39, me magnitudë 4 dhe thellësi 44 km, pranë epiqendrës në detin Jon.
Ndërsa lëkundja e dytë ka qenë në orët e para të mëngjesit, në 04:12, 4 km në lindje të Borshit dhe thellësi 19 km.
Si pasojë e tërmetit të parë 4.8 ballë, janë dëmtuar disa shtëpi. Katër banesa janë dëmtuar lehtë dhe një tjetër është dëmtuar më shumë në fshatin Kuç.
Epiqendra e tërmetit ka qenë 6 km në lindje të Himarës. Tërmeti është ndjerë edhe në Vlorë, Sarandë e Gjirokastër.
