Akt human i një shqiptari në Kroaci, pas tërmetit shkatërrimtar të ditës së sotme, po bën xhiron e rrjetit. Shqiptari nga Hasi i Kosovës, Alban Morina ka ndihmuar duke shpërndarë bukë për personat në nevojë.
Ai ka bërë dhe një postim në rrjetin social Facebook, me të cilit ka kërkuar të dijë se kush ka nevojë për ndihma.
“E di që nuk është koha e postimit por duhet të di kush që nuk ka bukë, kush në shesh nuk ka ushqim për sonte dhe nesër,”-ka shkruar ai.
Një tërmet me magnitudë 6.3 të shkallës rihter ka tronditur sot Kroacinë, duke shkaktuar deri më tani 20 të plagosur dhe një viktimë.
Epiqendra e tërmetit, ishte 46 kilometra nga Zagrebi dhe 9 kilometra në jugperëndim të Sisak në zonën e Petrinja. Lëkundjet e fuqishme janë ndjerë edhe në Bosnje, Hungari, Çeki, Itali dhe në Malin e Zi.
