Lëkundjet e forta të tërmetit nuk kanë sjellë vetëm çarje të mureve të shumë banesave. Një masiv shkëmbor ka rënë mbi një makinë me udhëtarë.
Burimet bëjnë me dije se shkëmbi ka rënë në makinën tip “Land Rover”, me të cilën lëviznin katër persona nga Kosova.
Personat që ishin në mjet, identiteti i të cilëve ende nuk bëhet me dije, raportohet se kanë lëndime, por ndodhen jashtë rrezikut për jetën.
Ngjarja është shënuar në aksin Valbonë-Bajram Curri. Mjeti është goditur në pjesën e bagazhit, dhe ka bërë 3-4 rrotullime.
https://tiranatoday.com/sa-e-rriskuar-eshte-shqiperia-nga-termetet-i-perballojme-dot-katastrofa-te-tilla/
Sizmiologu i Institutit të Gjeoshkencave, Edmond Dushi, ka thënë për “Top Channel” se lëkundjet sizmike do të vazhdojnë: “Mendoj që do të ketë pasgoditje të tjera, nuk mund të them se sa do të jetë intesiteti i tyre, dmth a do të jetë njësoj me atë të Gjirit të Lalzit, apo do të jetë me një ritëm më të ulët, por që pasgoditje do të ketë”.
https://tiranatoday.com/termeti-tronditi-kater-shtete/
