Tërmeti me pasoja katastrofike që goditi vendin në orët e para të mëngjesit të së martës, ka shkaktuar dëmtime edhe në burgun e ShënKollit në Lezhë.
Për rrjedhojë, 150 të burgosur janë zhvendosur nga qelitë e tyre. Disa prej tyre do të transferohen në burgun e Reçit në Shkodër.
Deri më tani, bilanci i viktimave nga tërmeti është 31 persona të konfirmuar nga familjarët, ndërkohë që sipas policisë kanë humbur jetën 26 persona.
Kryeministri Rama ka shpallur gjendjen e jashtëzakonshme në Tiranë dhe në Durrës, të cilat janë zonat më të prekura nga tërmeti.
