Fatmirësisht, me asnjë person të lënduar, por vetëm me dëme materiale është bilanci i lëkundjeve të tërmetit sot në tërë vendin. Frika e madhe e krijuar nga tërmeti që shkundi sot Tiranën dhe disa qytete të vendit, ka nxjerrë në rrugë gjithë administratën.
Lëkundjet e forta kanë ndërprerë edhe punën e komisioneve parlamentare, teksa raportohet se janë vënë re çarje në muret e sallës ku zhvillon mbledhjet komisioni i Ekonomisë.
Sizmiologu Rrapo Ormeni, në një lidhje telefonike për “News24”, paralajmëroi edhe për tërmete të tjera. Sipas Ormenit, si pasojë e prishjes së ekuilibrave, do të ketë lëkundje të tjera, por me magnitudë të vogël.
https://tiranatoday.com/qytetaret-ne-panik-nga-termeti-regjistrohen-rreth-20-lekundje-sizmiologu-merrni-masat-per-sot-e-neser/
Pa lëkundjeve të forta, disa linja telefonike kanë rënë. Në disa pjesë të kryeqytetit, nuk mund të kryeshin telefonata me celular. Bëhet me dije se në Tiranë, afër zonës së ‘Kafes së Rremës’, një pallat 6 katësh ka pësuar çarje të madhe në një anë të murit. Sakaq, lëkundjet e tërmetit 6 ballë në Durrës kanë shkaktuar dëme në dy banesa. Ky fakt bëhet i ditur nga Prefektura, e cila ka nxjerrë inspektoret në terren për verifikimin e dëmeve.
Prefekti Roland Nasta pohoi se fatmirësisht nuk ka persona të lënduar, shkruan “BalkanWeb”. Po kështu, në Elbasan, nga lëkundjet është dëmtuar një pallat në lagjen “Dyli Haxhire”. Sipas burimeve zyrtare, ka plasaritje të mureve nga lëkundjet e tërmetit.
