Tërmetet nuk kanë të ndalur në vendin tonë. Lëkundje të forta të tërmetit janë ndjerë në disa qytete.
Tërmeti me magnitudë 6 ballë ka goditur disa qytete.
Lëkundjet u shënuan në Tiranë rreth orës 17:38, dhe zgjatën disa sekonda.
Sakaq, lëkundjet u ndjenë në Laç, Durrës, Pukë. Ende nuk ka informacione nëse ka të lënduar, apo dëme materiale.
Sipas vlerësimeve paraprake nga qendra Europiane e Sizmiologjisë, një tërmet me magnitugë 6 dhe thellësi 10 km u shënua në orën 17:38.
Më pas, vlerësimi u ul në 5.4 ballë dhe thellësia 5 km. Epiqendra ka qenë 41 km në veri-lindje të Tiranës, 25 km në jug-perëndim në Peshkopisë dhe 12 km në veri-perëndim të Bulqizës.
Në muajin korrik, Shqipëria u godit nga një tërmet i fortë me magnitudë 5.1 të shkallës Rihter. Lëkundjet u ndjenë në orën 11:00, dhe shkaktuan panik tek banorët, sidomos në Tiranë.
Epiqendra e tërmetit u shënua në Gjirin e Lalëzit, ekzaktësisht në Hamallaj të Durrësit, dhe zgjati 10 sekonda. Tërmeti me epiqendër në vendin tonë, u ndje edhe në shtete të tjera. Ministria e Mbrojtjes njoftoi për dëme në disa pallate e banesa, që konsistonin në plasaritje të mureve.
