Më shumë se 200 persona kanë vdekur dhe 1,700 të tjerë janë plagosur pasi një tërmet i fuqishëm ra në kufirin mes Iranit dhe Irakut.
Viktimat më të shumta janë shënuar në Iran, ndërsa epiqendra e tërmetit ishte në kufi në Irak, rreth 350 kilometra në veri të Bagdadit.
Një televizion në Iranit raportoi se numri më i madh i viktimave në vend është shënuar në Sarpol-e Zahab, krahinë e Kermanshah.
Agjencia iraniane e lajmeve “Mehr” tha se 100 nga 207 të vdekurit e raportuar ishin vetëm nga ai qytet.
Tërmeti shkatërroi ndërtesat në Darbandikhan, në Irakun e veriut, si dhe qindra njerëz nga qyteti u plagosën, sipas Omar Ahmed, guvernator i provincës Sulaimaniya.
Pranë Halabja, të paktën katër persona u raportuan të vdekur.
Organizata Meteorologjike e Irakut lëshoi një thirrje për Televizionet shtetërore irakiane, duke u bërë apel qytetarëve të qëndrojnë larg ndërtesave dhe të mos përdorin ashensorë.Lëkundjet u ndjenë gjithashtu në Pakistan, Liban, Kuvajt dhe Turqi, njoftuan agjencitë e lajmeve në ato vende.
Kryeministri i Irakut Haider al-Abadi ka ndjekur nga afër gjendjen e qytetarëve të vendit.
Udhëheqësi suprem i Iranit, Ayatollah Seyyed Ali Khamenei dërgoi një mesazh ngushëllimi dhe kërkoi ndihmë ushtarake dhe civile për t’u dërguar të prekurve nga tërmeti./ Tirana Today
