Barazimi me Gironan dhe humbja dramatike me Leaganesin ka tronditur rëndë kampin e katalanasve. Barcelona pati një start perfekt në La Liga, ku në katër ndeshje kishte po aq fitore, por dy ndeshjet e fundit kanë qenë zhgënjyese.
“Don Balon” raporton se kjo humbje mund të sjellë pasoja të rënda dhe i dëmtuari kryesor është trajneri Ernesto Valverde. Kontrata e tij skadon në 2019-ën, por duket se do të ketë një largim të parakohshëm.
Nga ajo që shkruhet në mediat spanjolle mësohet se drejtuesit e Barcelonës kanë zgjedhur edhe zëvendësuesin. Bëhet fjalë për Laurent Blanc, ish-trajneri i PSG-së, i cili mund të jetë një zgjidhje e menjëhershme nëse marrëdhënia mes Valverdes dhe Barcelona-s përkeqësohet.
