10 persona kanë humbur jetën, si pasojë e një tërmeti të fuqishëm që ka tronditur Indonezinë. Lëkundja me magnitudë 6.4 ka goditur ishullin kryesor indonezian Lombok.
Sikundër pasqyrohen dhe në këto foto, ndërtesat janë shkatërruar e rrugët janë bllokuar nga rrënojat. BBC shkruan se rreth 40 persona janë plagosur, por zyrtarët thonë se numri, për fat të keq, pritet të jetë në rritje.
Instituti Gjeologjik i SHBA-ve tha se epiqendra e tërmetit ishte 50 km në verilindje të qytetit Mataram, në veri të ishullit Lombok. Ai u pasua nga 60 tërmete më të vegjël, më i madhi prej të cilëve e pati magnitudën 5.7 ballë.
