Dy javë pas tërmetit të fundit ku humbën jetën 460 persona, një tjetër lëkundje është shënuar në Indonezi.
Tërmeti me magnitudë 6.3 ka goditur ishullin e Lombokut në Indonezi. Mediat e huaja shkruajnë se lëkundjet sizmike ishin në një thellësi prej 7 kilometra nëntokë.
Ende nuk të dhëna për të lënduar, apo viktima.
Indonezia është një vend që goditet shpesh nga tërmetet, sepse shtrihet në “Unazën e Zjarrit”, vijën e tërmeteve të shpeshta dhe shpërthimeve vullkanike që rrethojnë pothuajse të gjithë anët e Paqësorit.
