Një tërmet i fortë ka goditur pjesën Perëndimore të Australisë. Lëkundjet sizmike kanë qenë me magnitudë 5.6.
Banorët që ndodhen 410 kilometra në veri të epiqendrës së termetit, thanë për mediat lokale se ndjenë lëkundje të forta.
Ata kanë deklaruar se dritaret përplaseshin, krevati lëkundej, duke shtuar edhe më shumë frikën.
“Dritaret e shtëpisë po përplaseshin. Krevati po më lëkundej, ndërsa drita po lëvizte sa nga njëra anë, në tjetrën”, tha një banore.
Pavarësisht se tërmeti ka qënë i fortë, nuk ka shkaktuar të lënduar.
