Një tërmet i fortë ka goditur sot ishullin indonezian të Javas, duke shkaktuar dëme në ndërtesat përreth.
Sipas Studimit Gjeologjik të SHBA-ve, tërmeti ishte me magnitudë 6,1, i përqendruar në perëndim të Javas, në një thellësi prej 43 kilometrash, me epiqendra ishte rreth 81 kilometra në jugperëndim të Xhakartës, kryeqytetit të Indonezisë.
Tërmeti dëmtoi disa shtëpi dhe ndërtesat e tjera në rrethin Lebak, duke përfshirë një shkollë të mesme dhe një spital, si dhe një xhami në rrethin e Pandeglang u shemb.
Ndërtesat në kryeqytet u lëkundën për 10 deri në 20 sekonda, ndërsa shumë njerëz dolën në rrugë duke braktisur shtëpitë. Po ashtu, banorët i janë frikësuar një cunami të mundshëm, duke bërë që ata të braktisin shtëpitë në zonat bregdetare.
Departamenti i Meteorologjisë, Klimës dhe Gjeofizikës i Indonezisë, tha se tërmeti nuk kishte potencial për të gjeneruar një cunam dhe asnjë paralajmërim nuk ishte lëshuar.
Indonezia, që numëron 17 000 ishuj, ndodhet tek “unaza e zjarrit” në Paqësor, ku përplasja e pllakave tektonike shkakton tërmete të vazhdueshme dhe një aktivitet vullkanik të lartë.
