Një tërmet shumë i fuqishëm me magnitudë 7,1 ballë të shkallës Rihter ka goditur ditën e sotme provincën Maluku Verior në Indonezi.
Agjencia indoneziane e Meteorologjisë, Klimatologjisë dhe Gjeofizikës (BMKG) njoftoi se epiqendra e tërmetit ishte regjistruar 137 kilometra në veri të qytetit Jailolo në një thellësi prej 73 kilometrash.
Autoritetet kanë dhënë alarm për cunam pas tërmetit.
Kujtojmë se të paktën 36 persona kanë humbur jetën nga tërmeti me magnitudë 6,8 ballë të shkallës Rihter që goditi kryeqytetin e provincës Maluku, Ambon më 26 shtator.
