Ultrasit e ekipit të Patizanit dhe tifozët e Botev Plovdiv janë përleshur në hyrje të stadiumit “Selman Stermasi” pak minuta para se të fillojë ndeshja e vlefshme për eliminatoret e Ligës së Europës.
Incidenti ndodhi pak minuta më parë në hyrjen perëndimore të stadiumit teksa “miqtë” bullgarë po hynin në stadium.
Mësohet, se 100 tifozë bullgarë janë nisur drejt Shqipërisë për të ndjekur ndeshjen por një pjesë e tyre u ndaluan në Qafë-Thanë.
Partizani luan sot ndeshjen e parë të vlefshme për turin e parë kualifikues të Ligës së Europës ndaj Botev Plovdivit.
Të kuqtë do të zbresin në fushë me formacionin më të mirë të mundshëm duke u bazuar në lojtarët që trajneri Sulejman Starova ka në dispozicion, teksa mungesat më të mëdha janë ato të dy qendërmbrojtësve Renato Malota dhe Gëzim Krasniqi për shkak të dëmtimeve.
