Një konflikt për motive të dobëta mund të sillte edhe një bilanc tragjik. Policia ka bërë të mundur arrestimin e një shtetasi, pasi ka tentuar që të vrite me thikë një 29-vjeçar. Në pranga ka rënë shtetasi Besnik Selita, 41-vjeç, banues në lagjen “Beqir Dardha”, Elbasan. Ky i fundit, pas një konflikti për motive të dobëta, ka tentuar të vrasë me thikë shtetasin R.L., 29-vjeç.
“Tenton të vrasë me armë të ftohtë (thikë), arresohet në flagrancë nga policia.
Ndërhyrja në kohë e policisë parandalon përshkallëzimin e mëtejshëm të një konflikti me pasoja. Në Sallën Operative të Drejtorisë Vendore të Policisë Elbasan, ka ardhur një telefonatë se në lagjen “Beqir Dardha”, Elbasan, po ndodh një konflikt mes dy shtetasve, ku njëri prej tyre kishte dhe armë të ftohtë.
Menjëherë në drejtim të vendngjarjes kanë shkuar shërbimet e policisë, ku falë reagimit të shpejtë dhe të mirëorganizuar, kanë bërë të mundur arrestimin në flagrancë të shtetasit Besnik Selita, 41-vjeç, banues në lagjen “Beqir Dardha”, Elbasan.
Arrestimi në flagracë i shtetasit të lartëpërmendur u bë pasi në lagjen “Aqif Pasha”, gjatë një konflikti për motive të dobëta, ka tentuar të vrasë me thikë shtetasin R.L., 29-vjeç, banues në lagjen “Aqif Pasha”, Elbasan.
Në cilësinë e provës materiale u sekuestrua arma e ftohtë (thikë).
Materialet i kaluan Prokurorisë pranë Gjykatës së Shkallës Parë Elbasan, për veprat penale “Vrasja me dashje e mbetur në tentativë”.
