Pati përplasje të reja këtë të dielë në një vend të shenjtë në Jeruzalem, i njohur për hebrenjtë si Mali i Tempullit dhe për myslimanët si al-Haram al-Sharif, Shenjtëroja Fisnike.
Gjatë agjërimit hebre dhe festës së zisë në Tisha B’Av, të rinjtë myslimanë hodhën gurë ndaj oficerëve të policisë në kompleks, sipas raporteve të policisë. Sipas medias, ata po protestonin kundër vizitës së qindra hebrenjve në malin e tempullit. Vendi me ‘Kupolën e Shkëmbit’ dhe xhaminë al-Aksa është vendi i tretë më i shenjtë në Islam. Por është gjithashtu e shenjtë për hebrenjtë sepse dy tempuj hebrenj qëndronin atje dikur.
Zonaështë nën administrimin mysliman, ndërsa Izraeli është përgjegjës për sigurinë. Festa myslimane e Kurban Bajrami i bie gjithashtu këtë javë.
Sipas një marrëveshjeje me autoritetet myslimane, hebrenjtë mund të vizitojnë vendin, por jo të luten. Sidoqoftë, televizioni izraelit raportoi të shtunën se Izraeli i kishte lejuar heshturazi hebrenjtë të luteshin në vendin e shenjtë në muajt e fundit, një shkelje e status quo-së. Palestinezët i shohin vizitat hebreje si provokim.
Hamasi, i cili kontrollon Rripin e Gazës, u kishte bërë thirrje palestinezëve që “të kthehen në Jeruzalem” dhe të mbrojnë Shenjtëroren Fisnike para festës.
Më 10 maj, Hamasi nisi raketa në drejtim të qytetit në ditën e Jeruzalemit. Hamasi e përshkroi sulmin në atë kohë si një reagim ndaj veprimeve të Izraelit në Malin e Tempullit dhe në lagjen Shejh Jarrah të Jeruzalemit./dpa
