Ndërkohë që Rama po zhvillon një takim me studentë në Vlorë, në Tiranë ka pasur tensione mes protestuesve dhe shoferëve.
Studentët në Tiranë kanë nisur marshimin drejt Kryeministrisë, ndërsa janë ndalur për disa minuta duke bllokuar kryqëzimin e Piramidës dhe duke paralizuar qarkullimin e mjeteve.
Shoferët janë revoltuar nga ky bllokim, duke kërkuar që t’u hapet rruga.
“Jemi për hall, hapni rrugën”, u janë drejtuar ata studentëve.
“Edhe ne për hall jemi”, i është përgjigjur studenti me megafon, ndërsa ka thënë se do të qëndrojnë për 10 minuta në shenjë proteste, e më pas do ta lirojnë rrugën, siç dhe kanë bërë.
