Seanca e sotme është shoqëruar em tensione, teksa kryeministri Rama ka dalë në foltore për të folur lidhur me protestën e studentëve.
Salianji ka tentuar të mos lejojë të flasë kryeministrin Rama duke u afruar pranë foltores, por rreth tij është formuar kordoni i gardistëve.
Ai i ka hedhur Kryeministrit Rama ligjin e Arsimit të Lartë, ndërkohë që e ka quajtur “ngelës”.
“Ti je ngelës”, iu drejtua Salianji ,Ramës, ndërkohë që Kryeministri nuk i është përgjigjur por ka larguar gardistët.
As deputeti i LSI-së Petrit Vasili nuk është kursyer, teksa e ka ofenduar kryeministrin duke e quajtur “idiot”.
“Votoje amendamentin… Ik o idiot”, ka thënë Vasili. Ndërkohë që Kryeministri Rama tha se: “Protesta i dha një shuplakë qeverisë, një grusht opozitës dhe një shpresë shoqërisë”.
