Shënohet një tjetër viktimë për shkak të temperaturave të ulëta. Një endacak është gjetur sot i pajetë në portin e Durrësit, në lagjen numër 4 të qytetit bregdetar.
Sipas dëshmitarëve, viktima është i pastrehë, identiteti i të cilit është Viktor Dhima. Mësohet se shkak i vdekjes është bërë i ftohti dhe konsumi i alkoolit nga viktima.
Sot u gjet një tjetër person i pajetë në Korçë, i cili kishte ngrirë si pasojë e temperaturave nën zero.
Dje, një tjetër endacak ndërroi jetë në hyrje të spitalit të QSUT, për shkak të të ftohtit.
