Debati mes Mardonës dhe Wanda Nara, bashkëshortja dhe njëkohësisht agjentja e sulmuesit të Interit, Mauro Icardi. Kësaj telenovele i është bashkuar një emër i ri dhe është vajza e legjendës së futbollit argjentinas, Gannina Maradona, e cila edhe pse nuk ka një marrëdhënie të mirë me të atin i ka dalë në mbrojtje. Ky konflikt ka filluar që në momentin kur Icardi u martua me gruan e Maxi Lopez dhe vlerësimi i Maradoës për sulmuesin argjentinas ka qenë zero. Kohët e fundit debati ka agravuar më shumë pasi Icardi është preferuar para Higuainit në kombëtare nga Sampaoli dhe ky fakt nuk pranohet nga Maradona i cili nuk ka ndaluar së akuzuari çiftin Icardi-Wanda.
Kur u hodh shorti i Botërorit në Russi, Maradona deklaroi se: “Sampaoli i bëri ftesë Icardit, edhe pse ishte i dëmtuar, duke lënë jashtë Higuainin, që gjithmonë ka shënuar. Ftoi Icardin, atë që luan futboll me fëmijët e Maxi Lopezit. E di të gjithë historinë. Wanda ka telefonuar tre herë Bauzan dhe katër herë Tata Martinon dhe nuk e di se sa herë mund të ketë marrë Sampaolin. Është një histori e shëmtuar.”
Wanda Nara, pak ditë më vonë, replikoi, por pa e përmendur emrin e Maradonës: 
“I bëj thirrje agjencisë antidoping të ketë kujdes, sepse në evente kaq të rëndësishme gjithmonë ka njerëz të papërshtatshëm, që kërkojnë t’i shkatërrojnë këto momente fantastike, duke shpikur gjëra në momentin dhe vendin jo të duhur.”
Ka ndërhyrë menjëherë në këtë përplasje në distancë Giannina Maradona, duke thumbuar drejtpërdrejt Wanda Naran:
“Sa keq, që edhe pse ke fëmijë, nuk mund t’i evitosh kritikat për një person rreth të kaluarës së tij. Kujtoj të kaluarën tënde dhe jam shumë e lumtur që ti e ke lënë pas. Wanda, varësia nuk është një shaka, pas saj ka shumë dhimbje. Nuk jam dakort me mijëra gjëra që thotë babai im, por e vlerësoj shumë që mundi të shërohej nga kjo varësi, që u ka bërë keq të gjithëve.”
