“Tek Argjentina ka shumë hileqarë, që duan ta shohin larg ekipit”

Eliana Guercio, gruaja e portierit argjentinas Sergio Romero, tha të mërkurën se doktorët i kanë thënë “Chiquito-s” se ai do të ishte gati për Kupën e Botës në Rusi duke e siguruar se nuk ishte nevoja që ai të largohej nga skuadra.“Atij nuk i është thyer asgjë, vetëm i është shkëputur një pjesë e kërcit. Doktorët i thanë se do të ishte gati për Kupën e Botës, pasi koha e rikuperimit është rreth 2-3 javë,” ishin fjalët e gruas së Romero-s.Ndeshja e parë e Argjentinës do të jetë më 16 qershor ndaj Islandës. “Unë e njoh mirë burrin tim. Dhe me vullnetin e tij dhe forcën e madhe, ai do të ishte gati që në ndeshjen e parë. Ka shumë njerëz që duan ta shohin larg ekipit. Jam e lodhur nga gënjeshtrat. Nuk e di, mbase kanë mungesë informacioni, por brenda stafit të Argjentinës ka njerëz hileqarë që mund të kenë interesa personale.”