Vendimi për prishjen e godinës aktuale të Teatrit Kombëtar ka krijuar përplasje dhe akuza në radhën e aktorëve. Kryeministri Rama deklaroi se godina aktuale është jashtë çdo lloj standardi, ndërsa argumentoi se godina e re do të ketë 3 herë më shumë sipërfaqe për aktorët dhe spektatorët.
Shumë nga aktorët protestues që ishin kundër prishjes së teatrit të vjetër kombëtar nuk u ftuan në kryeministri tek prezantimi i godinës së re nga arkitekti danez Bjarke Ingels-shkruan TPZ.
Një nga drejtuesit e sindikatës Kastriot Çipi i akuzoi një pjesë të kolegëve se e kishin ngjyer gishtin në kekun e papjekur. Në fotot e mësipërme mund të shikoni ata që shkuan të bëhen fasadë e shfaqjes së Ramës, si gjithnjë pa garë e pa konkurs.
