Tre agresorë qëlluan në drejtim të misionit trajnues të BE-së në Mali (EUTM) të dielën në mëngjes, tha misioni nëpërmjet një postimi.
Askush nuk u lëndua dhe asnjë pronë nuk u dëmtua. Sipas deklaratës, agresorët qëlluan në hyrje të qendrës së trajnimit Koulikoro. Forcat e pranishëm të sigurimit kthyen zjarr dhe menjëherë pas kësaj agresorët u larguan.
“Të gjithë ushtarët gjermanë janë mirë,” thanë forcat e armatosura gjermane. EUTM operon një mision stërvitor për Forcat e Armatosura Maliane në Koulikoro, në verilindje të Bamako. Më 7 korrik, gjeneral brigade gjermane Jochen Deuer mori komandën e afërsisht 950 ushtarëve të EUTM në vendin e Afrikës Perëndimore. Qëllimi i misionit, aktiv që nga viti 2013, është të trajnojë forcat në rajon për t’i mundësuar atyre që të kundërshtojnë grupet terroriste islamike. Situata e sigurisë në Mali është bërë më e tensionuar muajt e fundit, me dy puçë ushtarakë brenda një viti. Ushtarët gjermanë u plagosën së fundi prej një bombe kamikaze në vend.
