Një 30-vjeçar është plagosur para pak minutash në zonën e Astirit në Tiranë, në rrugën “Teodor Keko”.
Mësohet se i plagosuri është shtetasi me inicialet G.K., i cili është dërguar menjëherë në spital dhe ndodhet jashtë rrezikut për jetën.
Policia është vënë në kërkim të autorëve.
NJOFTIMI I POLICISË SË SHTETIT:
Më datë 16.11.2017, rreth orës 12:35, në Sallën Operative ka ardhur një telefonatë se në rrugën “Teodor Keko”, është plagosur një shtetas me armë zjarri.
Menjeherë në vendgjarje kanë mbëritur shërbimet e Policisë dhe Ambulanca, ku nga veprimet paraprake ka rezultuar se:
-Në rrugën “Teodor Keko” fillimisht ka ndodhur një konflikt, ku dyshohet se dy shtetas kanë goditur me sende të forta një tjetër dhe me pas i ka thyer xhamin e mjetit me sende të forta.
Shtetasi i dëmtuar me sende të forta pasi ka hipur në mjet, në largim e sipër ka qëlluar me armë zjarri pistoletë në drejtim të shtetasit Gentian Rrahmani, 30 vjeç, lindur ne Kukes e banues ne Tirane, i cili është plagosur.
Shtetasi i plagosur është dërguar në spital dhe ndodhet jashtë rrezikut për jetën.
Nga ana e Policisë është identifikuar autori dhe po punohet për kapjen e tij.
Ndërko grupi hetimor vijon punen per sqarimin e plotë të rrethanave të ngjarjes.
