Detaje të reja janë hedhur në dritë në lidhje me të shtënat me armë gjatë natës drejt banesës së një 26-vjeçari, i cili është punonjës në Bashkinë e Selenicës.
Rreth orës 01:00 të mëngjesit të sotëm, në rrethana ende të paqarta është qëlluar me armë zjarri në pjesën e jashtme të murit të banesës së 26 vjeçarit Xhulio Mara, në Selenicë.
I riu është punonjës në Bashkinë e Selenicës, shef i shërbimeve publike.
Grupi hetimor ndodhet në vendngjarje, ku po kryen veprimet e mëtejshme hetimore në lidhje me identifikimin dhe kapjen e autorit. Nga të shtënat nuk ka të lënduar.
