Mbrëmjen e sotme janë dëgjuar të shtëna me armë zjarri para Drejtorisë së Policisë në Gjirokastër. Raportohet për dy persona të plagosur.
Mësohet se dy personat e plagosur ,alentin Buci, 44 vjeç, dhe Xhelo Gërveshi, 52 vjeç nga Lazarati, kanë qenë bashkë në një pikë bastesh pranë Drejtorisë së Policisë.
Dy lazaratasit fillimisht janë konfliktuar me njëri-tjetrin, por më pas kanë përdorur armë zjarri.
Nuk dihet ende shkaku i konfliktit mes tyre, ndërkohë që policia e mbërritur në vendngjarje po punon për zbardhjen e plotë të motiveve dhe rrethanave të ngjarjes.
