Grupi parlamentarë i Partisë Socialiste për Integrim ka marrë vendim në mbledhjen e sotme që të jetë e pranishme për t`u përballur me kryeministrin Rama.
Ishte kreu i grupit parlamentare të LSI-së Petrit Vasili i cili në një deklaratë për mediat nga selia e partisë Lëvizja Socialiste për Integrim, tha se nesër do të jetë një betejë e vështirë me qeverinë.
“Grupi vendosi në parim unanimisht për pjesëmarrje në seancën e nesërme të parlamentit për të qenë në sallë ballë për ballë me kryeministrin, atë kryeministër i cili do ta ketë të vështirë tani e tutje ti drejtohet popullit të cilin ka synuar ta poshtërojë me fjalët më të pacipa duke e krahasuar në mënyrën më vulgare që kam neveri ta përsëris.
Do jemi shumë aktiv për t’u përballur me qeverinë, kryeministrin dhe gjithë negativitetin që po prodhon kjo qeverisje në dëm të qytetarëve”.
