Ditën e sotme do të bëhet varrimi i minoritarit Konstandinos Kacifas, i vrarë nga RENEA pas një shkëmbimi zjarri. Rreth 9 autobusë janë nisur drejt Bularatit të Gjirokastrës, për të marrë pjesë në varrim.
Që nga ngjarja e rëndë, grekët janë ndarë në dy grupe: ata që e kundërshtojnë veprimin e Kacifas dhe të tjerë që e konsiderojnë atë hero. Këta të fundit, janë nisur për të marrë pjesë në varrim, ndërsa janë zbuluar disa foto dhe video të këtij rrugëtimi.
Siç duket nga materialet e siguruara nga Tirana Today, grekët shfaqen me flamurin grek dhe mjaft të qeshur, ndërsa këndojnë këngë ushtarake për Vorio Epirin. Një atmosferë kjo që duket sikur po shkojnë për të bërë tifozllëk në një ndeshje futbolli dhe jo në një varrim për të ngushëlluar familjen.
Forca të shumta policie janë parë në kufirin në Kakavijë, duke ushtruar kontrolle në automjetet që kalojnë, për të shmangur çdo incident të mundshëm.
Ndërkohë, deri më tani është ndaluar po ashtu hyrja e rreth 10 ekstremistëve grekë.
