Ministria e Punëve të Jashtme e Ukrainës, vijon t’u bëjë thirrje qytetarëve të saj të qëndrojnë të qetë, ndërsa ka konfirmuar “pozicionin e saj të fortë” kundër Rusisë. “Për momentin është kritike, të qëndrojmë të qetë, të qëndrojmë të bashkuar dhe të konsoliduar brenda vendit dhe të përmbahemi nga veprimet që cenojnë stabilitetin dhe sjellin panik”, thuhet në një deklaratë të Ministrisë së Punëve të Jashtme.
“Forcat e Armatosura të Ukrainës, po monitorojnë vazhdimisht zhvillimet dhe janë të gatshme për të zmbrapsur çdo sulm ndaj integritetit territorial dhe sovranitetit të Ukrainës”, thuhet në deklaratë.
Të enjten, presidenti ukrainas Volodymyr Zelensky, së bashku me Këshillin e Sigurisë Kombëtare dhe Mbrojtjes, bëri një “analizë të plotë të situatës aktuale të sigurisë dhe veprimeve të mëtejshme të Ukrainës”, thuhet në deklaratë, duke vënë në dukje se vendi ka “forcuar më tej kapacitetin e tij, për të mbrojtur sigurinë e shtetit dhe qytetarëve”.
“Diplomacia ukrainase është në kontakt me të gjithë partnerët kryesorë, merr menjëherë informacionin e nevojshëm të sigurisë, i cili i lejon Ukrainës të ndërmarrë veprime në kohë”, shtoi Ministria.
“Ne vazhdojmë të punojmë për uljen e tensioneve, dhe mobilizimin e mbështetjes nga partnerët ndërkombëtarë për ta mbajtur Rusinë në kuadrin e dialogut diplomatik”.
Burimi i lajmit: CNN. Përshtatur nga Tirana Today
