Vijojnë replikat mes Rezarta Shkurtës dhe Shkëlzen Berishës. “Molla e sherrit” ka qenë një postim i ish-kryeministrit Berisha, i cili shkruante se Ermal Hoxha bëri vetëm 3 vjet burg, për 20 kg kokainë.
Këngëtarja e sugjeroi ish-deputetin që të merret me të birin, i cili “vrau qindra njerëz në Gërdec dhe nuk bëri asnjë ditë burg”.
Kësaj akuze iu përgjigj vetë Shkëlzen Berisha, duke lënë të kuptohet se do ta padisë Shkurtën për akuzën e saj.
“Pas të akuzuarit për trafik droge (Tahirit), pas mikut të trafikantit të drogës (Ballës), radhën për të “kënduar” para gjykatës do e ketë partnerja e trafikantit të drogës”.
Tashmë ka ardhur një tjetër reagim nga bashkëshortja e Ermal Hoxhës, e cila shprehet se nuk i trembet gjykatave, që kanë lënë të lirë “pseudo demokratët”. Ajo madje thotë se ata janë “të përlyer me gjak nga koka te këmbët”.
“Jam e lumtur që të paska djegur kaq shumë more Shkëlzen Berisha. Nuk i tremben gjykatave të cilët ju kanë lënë të lirë ju pseudo “demokratëve” sepse vetëm demokraci nuk keni sjellë, por jeni të përlyer me gjak nga koka te këmbët. I trembem vetëm gjykimit të Zotit dhe fatkeqësisht për ty, aty s’mund të korruptosh”, shkruan Rezarta në postimin e saj në “Instastory”.
