Juventusi do të përballet me Real Madridin në Champions League, në fazën çerekfinale të këtij kompeticioni. Edhe pse do akoma shumë ditë, Benatia ka filluar që të mendojë që tani për këtë sfidë. Problemi më i madh i “zonjës së vjetër” në ndeshjen e parë është se do të ketë shumë mungesa, pasi lojtarët janë të dëmtuar.
“Po vazhdojmë të luajmë në nivele të larta, jemi në garë akoma për të gjitha objektivat që i kemi vënë vetes në fillimin e sezonit. Po kalojmë një moment të mirë, por nuk kemi fituar asgjë,” shprehet Benatia.
Në lidhje me Real Madrid: “Nuk do të mund të luajë në ndeshjen e parë, por në mbrojtje nuk kemi probleme. Barzagli dhe Rugani kanë treguar gjithmonë se janë gati për çdo ndeshje. Më shumë më shqetëson mungesa e Miralem Pjanic, edhe pse Marchisio me Bentnancur janë futbollistë shumë të mirë. Por Miralem ka një stil loje të ndryshëm dhe një cilësi të jashtëzakonshme”, ka thënë marokeni.
“Shanset kundër Real? 50 me 50. Juventus është në gjendje të kualifikohet, vitin e kaluar kemi eliminuar Barcelona-n”. Në fund, një batutë në lidhje me finalen e humbur vitin e kaluar: “Hakmarrje? Është normale të kërkosh të shkosh sa më larg të jetë e mundur. Finalja ishte një objektiv: Real është i madh, luan për të fituar gjithçka. Edhe Champions-in”.
