Pedagogu dhe aktivisti Erion Kristo ka publikuar një status në Facebook, mbi mënyrën e jetës së shqiptarëve. Sipas tij, thënia “të kemi shëndetin, pa të tjerat..” nuk përputhet plotësisht me qëndrimin e tij, pasi ka edhe një sërë indikatorësh të tjerë po kaq me rëndësi. Ai sqaron se duke ulur pritshmëritë ndaj jetës, ne i humbasim vetes atë që është më e rëndësishme, njerëzoren.
“E degjoj shpesh kete thenie, qe per mua eshte paragjykim: te kemi shendetin pa te tjerat… Une mendoj se kesisoj, duke e ulur fare pritshmerine ndaj jetes deri ne nivelin biologjik, ne i humbasim vetes ate qe eshte me e rendesishme: njerezoren. Marrim disa variante: ke shendet, po nuk ke pune; ke shendet, po nuk ke dashuri; ke shendet, po je ne burg; ke shendet, po nuk ke para, etj, etj. Shendeti eshte nje e mire e madhe, e cila po mungoi, cenon gjithe pjesen tjeter te jetes. Por kjo nuk do te thote qe ne si komb te kerkojme nje vlere te vetme. Ka dhe vlera te tjera. Mos e ulni steken te dashur miq, mos u beni minimaliste!”, përfundon ai.
Në komentet e bëra në këtë status bie në sy ai i juristes Eni Çobani, e cila e kundërshton idenë e Kristos. Për të, po pate shëndet, siguron çdo të mirë.
“Jo i dashur, pa shendet nuk te duhet asgje nga keto, se po pate dhe para, shendet nuk te dhuron, edhe puna shendetin nuk ta jep edhe te kesh dashuri shendeti prape i lig ngelet, por kur ke shendet ke mundesi ti gjesh e ti kesh te gjitha ato qe rendite ti. Mendimi im, nuk imponoj opinion por ashtu e besoj kete qe shkruaj. Shendetin o e ke, o se ke, e s’ta jep kerkush”.
