Të hënën pritet prezantimi tek Juve, Ronaldo kthehet në Madrid

Pushimet në Greqi shkuan më së miri për Cristiano Ronaldon. Ai arriti të kompletonte transferimin tek Juventusi, të cilin e lajmëroi që pas finales së Champions League. Por tani edhe pushimet në ishujt grekë kanë përfunduar dhe portugezi është rikthyer në Madrid. Një rikthim afatshkurtër, pasi do të marrë sendet personale për tu transferuar në Torino dhe të përshëndetet me disa miqtë e tij.Vetëm pak çaste më parë Ronaldo ka zbarkuar me familjen e tij në aeroportin Barajas në Madrid, ndërsa ditën e hënë e pret një ditë e madhe pasi do të prezantohet tek bardhezinjtë. Ndërsa në Itali të gjithë tifozët e Juventusit kanë filluar të blejnë bluzat e tij dhe  deri tani kanë qenë në shifra rekord. Raportohet se në 24 orë nga shitja e bluzave Juve ka fituar 54 milionë euro, pak më shumë se gjysma e shifrës që u ble portugezi nga Real Madrid.