Arbana Osmanin mund ta keni parë shumë shpesh në makinë. Ose ajo, ose Xhemi në timon. Por askush nga ne nuk e ka ditur që moderatorja nuk shëtit dot me biçikletë. Sepse nuk di ta ngasë…
Por, dje në Instastory-n e saj, Arbana ka postuar një video shumë argëtuese. Siç shkruan edhe vetë, është hera e parë që hipën në një biçikletë. Por, jo në biçikletë të zakonshme, por të një fëmije (që, me shumë mundësi është e Jonit).
View this post on Instagram
Nuk e ka aspak problem të niset për të provuar ndjesinë që të jep biçikleta. Vetëm se në fillim i duhet pak ndihmë për të ecur. Siç duket edhe nga video, moderatorja e njohur e Top-it argëtohet me herën e saj të parë në përpjekje për të ruajtur ekuilibrin. Por miqtë që ka pranë vetes qeshin me të…
Meqë hera e parë duket kaq argëtuese, ndoshta ajo do t’i vërë qëllim vetes që ta mësojë e të ushtrohet më shumë. Kush di ta ngasë biçikletën dhe e bën shpesh këtë, e di që ndjesia dhe adrenalina e saj nuk kanë të krahasuar as me makinat më luksoze…
Vajzat që dinë të ngasin biçikletën janë bërë shpesh pjesë e studimeve. Për shembull, e dini që vajzat që ngasin biçikletën kanë një jetë më të shëndetshme seksuale? Ky është rezultati i një studimi të disa kohëve më parë, në të cilin merrnin pjesë më shumë se 3.100 gra e vajza. Për të parë rolin që luan biçikleta në jetën e tyre seksuale, studiuesit e Universitetit të Kalifornisë i ndanë në dy grupe – ato që dinin ta ngisnin biçikletën dhe ato që ende nuk e kishin mësuar. Grupi i parë rezultoi se kishte jetë më të shëndetshme seksuale sesa grupi i dytë… Shenjë e mirë!
