Kryeministri Edi Rama e ka cilësuar një “legjendë” dhe histori kazani largimin e mijëra të rinjve drejt Gjermanisë.
Në një takim me studentë në Gjirokastër, kryeministri ka kundërshtuar një vajzë e cila tha se pjesa më e madhe po largohet drejt Gjermanisë.
“Po ikin të gjithë drejt Gjermanisë, po e shikoj realitetin, të gjithë miqtë e mi po ikin”, tha vajza, e cila mori këtë përgjigje:
“13 mijë e qindra infermierë janë në sistem dhe mbi 4 mijë në listën e pritjes, që presin të punësohen. Nuk janë në Gjermani, ajo që thuhet se kanë ikur në Gjermani dhe këtu kanë mbetur berberët, është legjendë. Janë historira kazani, lajme të rreme, që krijojnë perceptime pa lidhje me realitetin. Kanë ikur, ikin dhe do ikin sepse nuk jemi në bunker, por edhe do kthehen”, tha Rama./ Tirana Today