Komisioni Qendror i Zgjedhjeve në Kosovë ka pranuar pakot e supozuara me fletëvotime, të cilat janë dërguar përmes postës nga qytetarët me të drejtë vote jashtë vendit.
Ato janë transportuar nga Qendra Transitore Postare për në KQZ të shoqëruara nga patrulla të Policisë së Kosovës. Personat e autorizuar i kanë transportuar këto fletëvotime me thasë të lidhur.
Gjithashtu, gjatë transportimit të votave kanë qenë të ftuar për të marrë pjesë edhe vëzhguesit e akredituar dhe organizatat të cilat kanë qenë të interesuara.
Zgjedhjet e parakohshme parlamentare do të mbahen në Kosovë më 14 shkurt.
