Shqiptarët e Zvicrës ishin kthyer në një problem të madh për helvetët. Fillimisht u mendua për një ‘përjashtim’ të mundshëm, por më pas gjithçka ndryshoi. Shaqiri dhe Xhaka u detyruan të kërkojnë falje para publikut për ‘shqiponjën’ që bënë me duar në Botëror pasi i shënuan Serbisë.
Pas “spastrimit” të disa futbollistëve në radhët e Kombëtares së Zvicrës, e kryesisht ato shqiptarë si Behrami dhe Xhemaili, është rritur frika e ndonjë largimi dhe kjo ka vënë në lëvizje përfaqësuesit e Kombëtares “Helvete” duke blinduar emra si Granit Xhaka e Xherdan Shaqiri.
Normalisht, kapiteni i parë është Stefan Lihtshtajner, por kjo është më tepër një lojë e brendshme, pasi aktivizimi i tij nuk është i vazhdueshëm. Sipas mediave zvicerane, nëse Xhaka nuk do të jetë në fushë, shiriti do t’i kalojë Xherdan Shaqirit. Kjo tregon se dy shqiponjat shqiptare në Kombëtaren e Zvicrës janë nga më të rëndësishmit.
