Vendimi i dhënë ndaj Dritan Dajtit ka rebeluar në masë një pjesë të madhe të qytetarëve, të cilët kanë dhënë vlerësimet e tyre në rrjetet sociale e jo vetëm. Jo vetëm nga ana e qytetarëve, por një reagim u përcoll edhe nga klasa politike, e nga gazetarët e kronikës.
Dritan Dajti arriti t’ia hedhë paq dënimit me burgim të përjetshëm, e nga ana tjetër, PD-ja hedh akuza mbi Ramën për ndikimin tek Krimet e Rënda. Duke e cilësuar si një nga kriminelët më të rrezikshëm në Shqipëri, sipas demokratëve, Dritan Dajti, i cili vrau 4 Dëshmorë të Atdheut, është lënë praktikisht i lirë nën kujdesin e plotë të Edi Ramës, duke dekurajuar punonjësit e rendit në luftën kundër krimit të organizuar.
Bashkëngjitur videos në Facebook, një qytetar i risjell në kujtesë çështjen e Dajtit. Rama shkruan në rrjetin social se timonin e drejtësisë ky sistem i’a jep pushtetit gjyqësor, dhe i’a ndalon me Kushtetutë e me ligj qeverisë.
