Përgjatë një prononcimi për mediat, ministrja e Kulturës Elva Margariti dha një pasqyrë të përgjithshme për gjendjen e institucioneve kulturore, pas tërmetit që tronditi vendin pasditen e së shtunës.
Po ashtu ministrja e Kulturës foli edhe për godinën e Muzeut Historik Kombëtar, ku shtoi se të çarat në mure janë brenda parametrave të parashikuar dhe nuk përbëjnë asnjë rrezik për vizitorët dhe qytetarët: “U koordinua puna në kohë reale. Unë vetë që në ditën e parë jam gjendur në Muzeun Kombëtar, i cili na rezultonte si godina që mund të kishte problematika më të shumta, megjithatë u verifikuan me inxhinierë të shumtë që problemet janë shfaqur atje ku godina ishte projektuar për të reaguar në rast tërmeti”.
