Olti Curri sërish ka hedhur kunja ndaj moderatores Alketa Vejsiu. Ata janë “përplasur” sërish me njëri-tjetrin, pas një statusi të moderatores, ku i jepte mesazh vajzave se të bukura dhe të përmbushura “nuk i bëjnë buzët e fryra, fotot perfekte në Instagram apo vithet e mbushura”. Sipas saj, dija dhe aftësitë krijuese e bëjnë të bukur një person.
Duke marrë shkas nga ky status, blogeri Olti Curri ka ironizuar fjalët e moderatores mbi konceptin e bukurisë.
Në një postim në Instagram, ai publikoi fjalët e Alketa Vejsiut dhe shkroi: “Ke shumë të drejtë! Yll të bën një kirurg plastik i vëmendshëm, që para se të të bëjë anestezinë lexon sms që i ke dërguar që mos të të bëjë copy paste me Tunën”.
