Klima politike në vendin tonë vijon të jetë e tensionuar me akuza dhe kundër akuza. Janë tre ngjarje që kanë marrë vëmendjen e mbarë opinionit publik ditët e fundit. Duke filluar me kërkesën e Prokurorisë për arrestimin e “Banales”, rasti i ‘Xhisielës’ dhe vrasja në ish-bllok.
Analisti Lorenc Vangjeli ka paralajmëruar një ngjarje tjetër e cila do të trazojë shumë ujëra në Tiranë.
Gazetari foli për një ngjarje tjetër, shumë e rëndë, e cila nuk është bërë ende publike.
Sipas burimeve të analistit Lorenc Vangjeli, një person shumë i afërt i një anëtari të rëndësishëm të kabinetit qeveritar, është goditur dhe gati është masakruar nga një personazh shumë i njohur i botës së krimit. “Të dy këta patën një marrëdhënie shumë të “çuditshme” me njëri-tjetrin në lidhje me një shumë prej disa dhjetëra mijëra eurosh”, tha Vangjeli.
Gjithashtu, Vangjel foli për ekzistencën e një dosje nga ana e Partisë Demokratike, Deklarata e analisti erdhi në emisionin “Java në RTSH”, kur tha se PD ka plotësuar një listë me biznese të drejtuara dhe në pronësi të personave të dënuar me vendime të formës së prerë, të cilët kanë marrë tendera publikë, gjë që ndalohet nga ligji.
