Tare ia bën të qartë Liverpoolit, 30 milionë nuk mjaftojnë

Thomas Strakosha ka një interes serioz nga Liverpool dhe Bayer Leverkusen, por Lazio duket se nuk do ta shesë nëse nuk paguhet kjo shumë. Presidenti Claudio Lotito dhe drejtori Igli Tare kanë fiksuar çmimin e gardianit të kombëtares shqiptare, i cili është plot 40 milionë euro. Nëse ndonjë ekip do të ofrojë një shumë të tillë atëherë lacialët do të ulen për të negociuar.Liverpooli dhe Bayer Leverkusen janë dy klubet që kanë shfaqur më shumë interes për 23-vjeçarin kuqezi por 30 milionë eurot e ofruara nuk mjaftojnë për të blerë kartonin e Strakoshës. Sipas Sport Italias, kryeqytetasit kërkojnë minimalisht 40 milionë euro për të lejuar largimin e gardianit të kombëtares shqiptare.