Edhe pse mbetet edhe një javë për tu luajtur në kampionatin francez, Shoqata e Futbollistëve Profesionistë të dielën kanë vendosur të shpërndajnë disa çmime. Neymar edhe pse ka luajtur deri në muajin shkurt është shpallur lojtari më i mirë i këtij sezoni.
Ndërsa në çmimin për golin më të mirë të vitit 26-vjeçari është mposhtu nga një tjetër brazilian i cili luan për Bordeux. Talenti 20-vjeçar Malcom ka shënuar Golin e Vitit në ndeshjen e luajtur më 29 dhjetor të vitit të kaluar ndaj Dijon. Malcom vendos të godasë nga një distancë e largët, me topin që niset si një raketë nga këmba e tij dhe përfundon në rrjetë.
Ai ka tërhequr vëmendjen e shumë klubeve të mëdha europiane, si Bayern dhe Arsenal. Bordeaux do të fitojë shumë para nga shitja e tij, duke parë që e ka blerë para tre viteve për vetëm 5 milionë euro.
