Majlinda Bregu, e ftuar në emisionin “Përballë” në RTSH ka komentuar videon që qarkulloi disa ditë më parë nëpër rrjete sociale, ku bashkë më eurodeputetin, Knut Fleckenstein shfaqeshin të qeshur dhe përqafuar.
Bregu, u shpreh se video-ja është publikuar në vitin 2015, ku tregohen prapaskenat e takimit, duke shtuar se është një nga gratë që është sulmuar më së shumti.
“Është një video që e kam postuar para disa kohësh, në 2015, me prapaskenat e takimit. Jam mësuar edhe me thashethemin, edhe më akuzat më të dobëta dhe të shëmtuara.
Nuk mbaj mend që të jetë sulmuar kaq shumë një grua, me deklarata që i bëjnë pis ata që i ndërtojnë”,- tha Bregu.
