Kreu i PD-së, Lulzim Basha ka folur për mediet pas takimit me ambasadorin Lu, ku ka theksuar se qëndrimi i SHBA është mjaft i qartë: mbështesin prokurorët dhe hetimin deri në fund për zbardhjen e së vërtetës lidhur me çështjen Tahiri.
Deputeti demokrat tha se Rama e ktheu Shqipërinë në strehën e prodhimit dhe trafikimit të lëndëve narkotike.
Basha përgëzoi edhe gazetarët, të cilëve u bëri thirrje që të bashkohen në luftën e së vërtetës.
FJALA E BASHËS:
Qëndrimi i qeverisë amerikane është i qartë, mbështesin pa rezerva prokurorinë dhe gjyqtarët në një hetim të plotë për të zbardhur dhe për të vënë para përgjegjësisë personat që janë të lidhur me krimin.
Donojnë që imuniteti parlamentar të përdoret për të mbrojtur kriminelet e lidhur me drogën
Tahiri nuk do i shpëtojë drejtësisë. Faktet e dala nga prokuroria shqiptare por edhe nga partnerët, do bëjnë të mundur që ai të marrë përgjegjësinë për ndihmën që i ka dhënë një bande kriminale për të kthyer Shqipërinë në prodhuesin më të madh të kanabisit në Evropë.
Kjo përpjekje është një luftë që sapo ka filluar dhe s’do jetë as e lehtë, as e shkurtër. PD do ketë rolin e saj në këtë luftë, në mbështetje totale të prokurorisë dhe në planin politik me qëllim që Shqipëria të çlirohet nga krimi dhe droga që ka depërtuar në politikën, ekonominë dhe çdo qelize të shqiptarëve.
Kjo është një përpjeke që ne e bëjmë me partneret ndërkombëtar, jemi shume të inkurajuar nga mbështetja që i është dhënë kësaj beteje jetike për të ardhmen dhe integrimin e Shqipërisë që kalon vetëm nëpërmjet çmontimit nga organizata kriminale. Ky është një qëndrim i dëshpëruar i Ramës, qeveria e SHBA ka folur fare qartë, nuk jam këtu për të interpretuar qëndrimet e tyre, por mund të shikoni mbështetjen që i kanë dhënë prokurorisë.
Qëndrimi i Ramës evidenton se Rama vazhdon të jetë siç ka qenë prej fillimit, pjesë e problemit dhe refuzon të bëhet pjesë e zgjedhjes.
Rama e di fare mire që është përgjegjës që në 4 vite e ktheu shqipërinë nga një vend anëtar të NATO-s, në një vend që tregohet si strehë e prodhimit dhe trafikimit të lëndëve narkotike.
Jetë normale parlamentare nuk ka, do e vazhdojmë këtë betejë brenda parlamentit.
Dua të përgëzoj nga zemra gazetarët që kanë kërcënime të turpshme si ato të djeshmet, pra të gjithë do synojmë që vendi t’i kthehet normalitetit.
PD dhe unë jemi në kontakt të vazhdueshëm me partnerët tanë. I bëj thirrje Ramës të heqë dorë nga përpjekjet e dëshpëruar për të keqinterpretuar qëndrimet që janë të qarta./ Tirana Today
