Dalin detaje të reja lidhur me çështjet kryesore për të cilat diskutuan në takimin e sotëm kryetari i PD-së Basha dhe ambasadori amerikan, Donald Lu.
Burime bëjnë me dije se Lu dhe Basha shkëmbyen pikëpamje për Reformën në Drejtësi, ndërsa takimi u fokusua edhe në luftën kundër krimit e kundër drogës.
Po ashtu, News 24 raporton se ambasadori Lu dhe kryedemokrati folën edhe për proceset e ardhshme politike në PD.
Ndërkohë, një temë ‘e nxehtë’ që pritej të diskutohej mes tyre ishte edhe skandali i publikuar nga revista investigative “Mother Jones”, ku PD akuzohet se është financuar nga kompani lobimi ruse.
Megjithatë, ende nuk dihet nëse kjo çështje është cekur në takimin mes Bashës dhe Lu-së, ndërsa Prokuroria ka nisur tashme hetimet.
