Ish-kryeministri Sali Berisha ka vijuar denoncimet për rastin e ekstradimit drejt Italisë të Nazer Seitajt, i ashtuquajtur financiari i grupit të Habilajve. Duke folur për gazetarët në oborrin e Kuvendit, Berisha tha se vendimi për ekstradimin e Seitajt ka ardhur vetëm dy ditë pasi ai pranoi të bëhej dëshmitar i mbrojtur i drejtësisë për çështjen “Habilaj”.
Duke u shprehur se ky vendim ka ardhur me urdhër të Saimir Tahirit, Berisha thotë se Nazer Seiti është ekstraduar drejt Italisë me rrobat e trupit, duke shtuar se pjesa tjetër e rrobave i kanë mbetur në qeli.
“Kërkoj të kaloje hajdutërisht ligjin më të madh të hajnisë publike, aeroportit Habilaj, e quaj kështu se po bëhet me një çmim 5-6 herë më të madh se aeroporti i Kukësit. Çdo qytetar shqiptar duhet ta dijë se çfarë është mbi 20 mln shkon në xhepat e Ramës dhe individëve të tjerë që s’kanë asnjë lidhej me Vlorën dhe as Shqipërinë, po vetëm me luksin dhe pasuritë e tyre ët krimit. E bën këtë akt të paprecedentë sepse janë të mbërthyer në një skandal të tmerrshëm dhe të paprecedent.
Në shkelje të kushtetutës dhe çdo ligj të këtij vendi, Rama ka përzënë nga Shqipëria dhe ka ekstraduar personin kyç të bandës së Habilajve me urdhër të Saimir Tahirit, vetëm dy ditë pasi ai kishte shprehur vullnetin për t’u bërë dëshmitar i mbrojtur i drejtësisë. Mjaftoi ky lajm që ai të përzihej me lecka, dhe të mbeteshin në qeli gjysma e rrobave të trupit. Duke shkelur kështu Kushtetutës, pasi ndërprerjen e hetimeve mund ta vendosë vetëm pakurori, as Presidenti i Republikës nuk e bën dot. Me këtë akt mendojnë se do të shtojnë reagimin e qytetareve, nuk e dinë se po ngjallin një reagim të madh te qytetarët”, tha ish-kryeministri Berisha.
