Ish-ministri i Brendshëm, Saimir Tahiri theksoi se i gjithë qëndrimi i prokurorisë në mbledhjen e Këshillit të Mandateve ishte thjesht një estradë. Ndërsa vuri në dukje me të njëjtën shprehje të përdorur një ditë më parë se “nuk keni parë asgjë akoma”, duke premtuar se do t’i shkojë deri në fund kësaj çështjeje deri në zbardhjen e së vërtetës.
Tahiri: Unë besoj se ju e dëgjuat estradën, por le të presim dhe jam i gatshëm deri në momentin e fundit pa lënë asnjë hallkë dhe asnjë shteg pa bërë drejtësi deri në fund. Nuk keni parë asgjë akoma. Dhe kur iu thashë iu duk histori me interpretime të ndryshme.
Sa i përket mundësisë së prishjes së provave dhe zbardhjes së ngjarjes Tahiri kërkoi durim dhe sipas tij, nuk do ta lërë këtë çështje pa i shkuar deri në fund.
Tahiri: Bëni durim siç po bëj unë durim. Hallin e kam më të madh se ju. E vërteta do të dalë në dritë dhe nuk do të vonojë shumë. Nuk do ta lë pa i shkuar pas kësaj historie pa nxjerrë në dritë në vërtetë dhe çdo shqiptar të bindet se cila është e vërteta.
