Ish-ministri i Brendshëm, Saimir Tahiri ka dalë në një konferencë për mediat, ku ka shfaqur një dokument të marrë nga Prokuroria e Katanias. Sipas tij, në këtë dokument faktohet se ndaj Saimir Tahirit nuk ka pasur asnjë hetim nga Prokuroria e Katanias.
Më tej, Tahiri pyet se përse Prokuroria e Krimeve të Rënda kërkoi arrestimin, ndërsa u zotua se do kërkojë të vërtetën deri në fund pa mbrojtjen e politikanëve apo të pushtetit.
FJALA E TAHIRIT:
Nuk është e re që ndaj meje po bëhet gjyqi juridik me kërkesë të prokurorisë dhe nga ana tjetër gjyqi publik dhe politik, ku politikanë, deputetë, analistë dhe gazetarë kanë marrë nga një grusht dhe hedhin baltë mbi mua.
Mua nuk më intereson asgjë nga këto dhe s’kam dëshirën më të vogël të përfshihem në asnjë debat. Nqs politikës i ka ardhur radha që llumin ta hedhi mbi mua që nuk kam kursyer as vrasjet, u them rrini pa merak. Nqs analistave që s’kanë lënë politikanë e sqetull pa u futur, unë ndoshta kësaj radhe u kam dalë në shteg për të shkruar për mua mbi llumin e 27 viteve, por u them rrini pa merak. Do e përballoj këtë sido që të jetë.
Nqs ka një shteg dhe dritare sado të vogël për të dalë drita e të vërtetës, të jeni të sigurt që mua do më keni aty, me prova. Për mua s’ka rëndësi debat politiku, dhe as publik, për mua ka rëndësi vetëm 1 gjë. Për çmimin e së vërtetës jam gati të paguaj gjithçka që kam, as nuk dua të ma falin. Jam qytetar pa asnjë lloj pushteti, brenda 48 orësh sigurova këtë dokument nga prokuroria e Katanias që mban datën 23 dhe thotë: ju kom se porsa i përket shtetasit Saimir Bashkim Tahrii nuk rezulton të kelt pasur procedim penal nga prokuroria e Katanias.
Prokuroria e Katanias nuk ka gjetur në asnjë moment një lidhje të vogël për të nisur një hetim ndaj meje. Kur është kështu, si ka mundësi që Prokuroria jonë brenda 48 orëve kërkoi dhe kërkon arrestimin tim. A nuk i tha prokuroria publikut se prisnin letra nga Italia? Kaq të vështirë e kishin institucionet tona të merrnin këtë përgjigje të thjeshtë që e mora unë për 48 orë?
Kaq të vështirë e kishin që në atë përgjim flitet për një Saimir që ka kamiona dhe merret me trafik droge?
Si ka mundësi që prokuroria nuk dinte fare që unë kisha kërkuar hetim që në 2015, edhe për makinën edhe për Habilajt. Si ka mundësi që nuk e dinte se me kërkesën time ka hetuar gati një vit?
Si nuk mori kush mundimin të bëjë një verifikimin si ky që bëra unë?
Nuk më intereson fare kush arrestohet për drogë, kush shkel ligjin dhe arrestohet. Unë kam luftuar që kjo të ndodhë vazhdimisht.
I kuptoj qëllimet e gjithsecilit, unë nuk do bëj asnjë ditë luftë politike me këtë çështje. Kam kërkuar mos të fshihem pas partisë, pas politikës apo pas pushtetit. Kam kërkuar të bëj betejën time për të drejtën dhe për të vërtetën.
Unë kam betejën time me drejtësinë, po jua kujtoj edhe përballë bandës së llumit.
